أيام..ورا أيام..ورا أيام
لا الجرح يهدا ولا الرجا بينام
ماشي في طريق الشوك ..ماشي ولكن قلبي
مطرح ما يمشي يبدر الأحزان
العتمة سور والنور بيتوارى**ويش للفجارى في زمان النوح
متى تخطي السور يا نوارة**ويهل عطرك على الخلا ويفوح
ويشدنا لقدام
من عتمة الليل النهار راجع**ومهما طال الليل بييجي نهار
مهما تكون فعتمة ومواجع**العتمة سور ييجي النهار تنهار
وظهرنا ينقام
أغنية حلوة أوى بتاعة مقدمة مسلسل الأيام ,باحبها بشكل مش عادى وساعات الاقى نفسي باردد آخر سطرين فيها,باحس انها بتدى تفاؤل على أد ما هى حزينة وكلها شجن. والحمد لله لقيت موقع حلو أوى قدرت أسمعها منه وعملتها نغمة كمان ,الموقع دة فيه أغانى قديمة جداً وصعب تلاقيها ف أماكن تانية
ليست هناك تعليقات:
إرسال تعليق