السلام عليكم
طبعاً المرأة (عادةً يعنى) ومن زمان أوى بتحب الإهتمام ببشرتها (مش بس علشان تجتذب انتباه الجنس الآخر لا سمح الله) لكن والله أعتقد إنها طبيعة والسلام .مفيش واحدة بتحب تبص فى المراية وتلاقى قدامها هالات سودا تحت عينيها ورؤوس سودا أو بيضا فوق أنفها وعلى خدودها ,والا تلاقى بشرتها شاحبة زى الأموات أو صفرا كما لو كانت عيانة ,أو تلاقى الشمس --الله يسامحها--ضربتلها وشها صبغة صعب جداً إنها تروح (خاصةً فى الصيف)والا يا سلام على حب الشباب وسنينه (أكيد مشكلة يومية ومعاناة كبيرة لناس كتير)....يعنى نظرة واحدة فى المراية ممكن تقلب الدنيا .....
المهم,فيه قناع حلو أوى وبيقولوا إنه بيعمل معجزات للبشرة: قناع الذهب ,سمعتوا عنه؟ وطبعاً سعره (حدث ولا حرج) بس اللى عاوز الورد يستحمل الشوك,وانا شفته فى برنامج بس مشكلته إنه لازم يتعمل منه كذا جلسة يعنى مش مجرد مرة والسلام,بصراحة لو معايا فلوس كتير ودماغى لسعت (زيادة) فى يوم كدة ممكن أجربه (أنا مهووسة بالأقنعة) ,تعالوا نشوف تفاصيل الموضوع كدة:
هل تعلمين ان الذهب يعيد الشباب للبشرة ويؤجل ظهور التجاعيد؟وان كليوباترا كانت تحافظ علي شباب بشرتها من خلال ارتداء قناع من الذهب الخالص خلال النوم.لذلك قدمت احدي الشركات اليابانية تطويرا لهذه الفكرة من خلال رقائق من الذهب عيار 24 التي تعمل علي اعادة الشباب للبشرة.وتعمل رقائق الذهب علي تجديد خلايا البشرة وشد الجلد وتقليل التجاعيد. كما يعطي قناع الذهب بريقا للبشرة ويبطيء عملية تناقص الكولاجين ويحافظ علي المرونة الموجودة في الجلد. والمعروف ان الذهب لم يستخدم كقناع لمعالجة البشرة من قبل اذ انه معدن صعب الامتصاص في البشرة الا ان الشركة اليابانية قدمت مركبا خاصا من تكنولوجيا الجاما ليكون صالحا للاستخدام مع البشرة. وتبلغ تكلفة هذه التقنية 300 دولار للقناع عيار 24 والذي يوضع علي البشرة مدة ساعة الى ساعتين.
(وانا بادور على النت ,لقيت نفس الموضوع وحاجات تانية حلوة على المدونة الجميلة دية)
ليست هناك تعليقات:
إرسال تعليق