هاى
من خلال قراءاتى العشوائية للمدونات لاحظت إن معظمها ليها أهداف واضحة ومحددة ,يعنى مدونة غادة عبد العال(الناجحة والشيقة جداً) wanna be a pride اللى أصبحت حالياً wanna be a pride-no more (ليها حق والله) أهدافها واضحة من البداية وماشية على خط محدد وغيرها وغيرها....على كل لون يا مدونات.....المهم, أنا لية باعمل مدونة؟ أولاً وبصراحة مسايرة الموجة (صحيح كدة متأخرة بس أحسن من مفيش),وثانياً,يمكن إهتماماتى تكون ليها صدى عند الناس وتكون مفيدة ليهم (إحتمال),يعنى مثلاً أنا مهتمة أوى بالطب البديل وعالم الأعشاب والماسكات الخاصة بالبشرة والشعر ,وأكيد مهتمة بالريجيم وتحسين نمط الحياة بصفة عامة ,وكمان الموضوعات الخاصة بتطوير الذات ومواجهة مصاعب الحياة بشكل إيجابى (دة موضوع صعب بجد)..............المهم,أنا عارفة إن المدونة مش شيك :) ولا فيها حاجات متميزة زى مدونات المحترفين اللى شفتهم ....بس أهى محاولة والسلام.
ليست هناك تعليقات:
إرسال تعليق